(ВИДЕО) Украинската армија ја бомбардира хидроцентралата Каховка
Горниот дел на хидроцентралата Кахово е уништен во гранатирањето на Вооружените сили на Украина, додека самата хидроелектрична брана е неоштетена, изјави шефот на управата на градскиот округ Новокахов, Владимир Леонтиев.
Според него, по уривањето на горниот дел од браната, нивото на водата се искачило на пет метри, и неколку острови низводно се веќе целосно поплавени, а итната помош веќе е на терен.
Евакуацијата на жителите од градот не е неопходна, иако тоа може да биде неопходно во населбите низводно од хидроцентралата, додаде Леонтиев и нагласи дека украинските сили продолжуваат да ја гранатираат Нова Каховка .
Дописникот на агенцијата „РИА Новости“, кој се наоѓа во градот, потврди дека украинската армија продолжува со гранатирање на Нова Каховка, како и дека нивото на водата продолжува да расте во населбите Днепрјан и Корсунка.
Според Владимир Леонтиев, оштетувањето на хидроцентралата ќе доведе до проблеми во снабдувањето со вода на Крим.
И Меѓународната агенција за атомска енергија (МААЕ) е запознаена со штетите што ги претрпе хидроцентралата, експертите на агенцијата кои се наоѓаат во нуклеарната централа во Запорожје ја следат ситуацијата, соопшти организацијата, додавајќи дека засега нема никаква закана за безбедноста на нуклеарната централа.
„Доколку е потребно, подготвени сме да ги евакуираме жителите на крајбрежните населби, подготвени се автобуси. Ги молам граѓаните да им веруваат само на официјалните информации“, напиша Алексејенко на Телеграм.
Украинските власти сепак прогласија тревога и го повикаа цивилното население од областа на десниот брег на Днепар, кој може да биде поплавен, да се евакуира, пренесува Гардијан.
Претседателот на Украина, Володимир Зеленски, закажа итен состанок поради оштетување на браната, објави денеска на Твитер секретарот на Советот за национална безбедност и одбрана на Украина Алексеј Данилов, пренесува Ројтерс.
Хидроцентралата Каховка се наоѓа на пет километри од градот Нова Каховка во областа Керсон. Руската армија ја презеде контролата врз него на самиот почеток на Специјалната воена операција. Оттогаш, вооружените сили на Украина речиси континуирано ја гранатираат хидроцентралата и градот и Нова Каховка.
Русија уште во октомври испрати писмо до Советот за безбедност на ОН во кое ги повикува да го спречат уривањето на браната на електраната, чија цел е Украина со удари.
