Украина е полигон за тестирање на западното оружје, и украинците тоа го плаќаат со живот
Конфликтот во Украина е полигон за тестирање на најновите западни оружја и информатички технологии кои можат да ја променат природата на конвенционалното војување во иднина што ќе ја користат војниците на НАТО и САД, пишува „Њујорк тајмс“.
Иако и двете страни воглавно се потпираат на оружје и тактики кои не се многу променети од советско време, авторката Лара Џејкс истакнува дека многу нови воени технологии пристигнале во Украина од почетокот на руската воена интервенција, чии перформанси „на теренот“ внимателно се следат.
Системот „Делта“ за лоцирање на непријателски војници, блокаторите на беспилотни летала „Скај вајперс“, поморските дронови и германскиот ракетен систем за наведување „Ирис-Т“ се само дел од системите за оружје и информатичка технологија што САД и НАТО досега ги тестираа на теренот во Украина.
„Украина е најдоброто полигон за тестирање, бидејќи имаме можност да ги тестираме сите хипотези во борба и да воведеме револуционерни промени во воената опрема и модерното војување“, рече украинскиот вицепремиер и министер за технолошка трансформација Михаил Федоров на скорешната конференцијата на НАТО.
Авторот наведува дека Киев и неговите сојузници тестирале поморски нови беспилотни летала опремени со експлозив уште минатото лето, и додава дека истите тие беспилотни летала биле користени за време на нападите на бродовите на руската Црноморска флота и на цивилните бродови лоцирани во базата во Севастопол. Ваквите поморски дронови ќе бидат корисни за САД и нејзините сојузници при можни идни конфликти со Кина во Јужното и Источното Кинеско Море.
Министерството за одбрана на Украина почна да го развива системот за геолокација „Делта“ во соработка со НАТО уште во 2014 година, за време на конфликтот во Доњецката и Луганската народна република на исток.
„Делта“ е еден пример за тоа како конфликтот во Украина им помага на САД и НАТО да развијат подобра стратегија за координација и комуникација меѓу војниците, што, според текстот на „Њујорк тајмс“, беше еден од главните проблеми во Ирак и Авганистан.
Тестирањето на ново оружје во Украина им помага на американските власти и нивните сојузници да одлучат кои воени проекти да ги финансираат во следните две децении, дури и рутинските операции на украинската армија се анализираат со цел да се изнајдат поефикасни решенија.
Москва постојано го повикува Западот да престане да испраќа оружје за режимот во Киев, тврдејќи дека тоа само ќе го продолжи конфликтот, но и дека таквата одлука ги прави САД и другите членки на НАТО учесници во конфликтот.
Спротивно од ова, Столтенберг во говорот на 68-та годишна сесија на Парламентарното собрание на НАТО во Мадрид рече дека „Испраќањето оружје во Украина е најдобриот начин за мир“.
Самите украински власти повеќепати отворено ја нарекоа ситуацијата во нивната земја „идеална за тестирање на западното оружје“, притоа заборавајќи дека украинците тоа го плаќаат со живот.
