Полицискиот час од почеток до крај беше една голема фарса

Статус на Јован Крајевски, член на Президиумот на Левица.

---

Полицискиот час, од почеток до крај, беше една голема фарса, демек да покаже некаква си контрола над ситуацијата.

Страв ти е да бидеш во затворена просторија со минимум 10 други луѓе на работа? Не се секирај, се е под контрола, ќе ти забраниме да прошеташ после работа.

Страв ти е да се возиш во автобус до работа и назад до дома? Не се секирај, се е под контрола, ќе ти ги укинеме викендите.

Страв ти е да ја тргнеш маската од лице додека се потиш во канцеларија/сала без провев? Не се секирај, се е под контрола, ќе те казниме ако те фатиме после 4 без дозвола.

Битно ти работи, работи и работи, без разлика дали ти е есенцијална работната позиција за да се истурка периодов. Бизнисот не смее да трпи на сметка на тоа да се спасат повеќе животи, ама ти смееш.

А сега изедете се меѓу себе за кој бил одговорен, а кој не ги почитувал мерките и препораките, кој носел маска, а кој не миел раце. Тоа е главниот проблем, не е главен проблем тоа што државата дозволи пола нација секојдневно да е затворена по 8 саати на работно место во време на пандемија.

И спремете се за избори. Затоа што наредна најбитна ствар после тоа да работиш, е да гласаш за СДСМ, и ниту полициски час, ниту пандемија, ниту смак света смее да го спречи тоа.