(Видео) Отуѓување на народниот имот – показател за неспособноста на општината и градоначалникот
- Реакција на Левица – ЛО Аеродром
На последната 18-та седница, на дневен ред беше додадена дополнителна точка за започнување на постапка за доделување на договор за воспоставување на јавно приватно партнерство, за спортски објект – фудбалско игралиште во сопственост на општина Аеродром.
Жестоко реагираше нашиот Советник Дарко Масларковски кој истакна дека ова е показател за слабоста на општината, службите па дури и советот, каде она што е НАРОДНО и општествено најлесно се руинира и не се оддржува, за потоа да се појави СПАСИТЕЛОТ во форма на ЈПП (јавно приватно партнерство).
Физибилити студијата која „ДОКАЖУВА” за оправданоста на овој потег не ја прикачиле на точката и уверувањето од службите беше смешно.
Да се даде на „ПРИВАТНИК” за да се „СТОПАНИСУВА” зошто општината очигледно не е дорасната за истото, не може да ја коси тревата, да ги обележи линиите, да офарба и да ги смени даските за седење на трибините па мора да најде човек кој би го водел местото и би ги правел термините за клубовите и жителите. Тоа е многу сложено и бара ОГРОМНИ средства и организија па подобро ќе го дадеме игралиштето некој да „ЌАРУВА” од него.
Нека не спијат на тоа уво Градоначалникот Муцунски и администрацијата, НИЕ жителите на Ново Лисиче нема да ДОЗВОЛИМЕ, да се приватизира НАШЕТО фудбалско игралиште.
Да знаат дека ги очекува силен ОТПОР и БОРБА за нашиот имот, ЛЕВИЦА нема да остане пасивна и веќе е започнато анкетирање и средби со жителите и клубовите кои го користат ова игралиште.
