Пo 50 години конзервација на мозаиците на локалитетот Стакина чешма во Валандово

Мозаиците од римскиот период на локалитетот Стакина чешма во Валандово конечно ќе бидат заштитени. По 50 години од почетокот на археолошките истражувања, Завод и Музеј Струмица започна реализација на  проект за конзервација и реставрација на едни од најзначајните мозаици во државата кои по многу нешта се единствени и раритени Ова е првпат да се спроведе таков проект, кој ќе овозможи обновување и заштита на уникатните мозаички подови.

Како што објавија од ова установа, домусот потекнува од доцниот 3 или раниот 4 век од нашата ера а истражувањата на Стакина чешма се започнати од 1972 година. Досега се откриени 10 простории со површина од околу 500 м². Скоро сите простории се со мозаични подови во техника opus tessellatum, opus sectile и opus tesellatum.

,, Фокусот на работата е насочен кон подниот мозаик во Просторија бр. 2 чијашто декорација е изведена во различен тип на мозаик, opus tessellatum и opus sectile што го прават овој мозаик мошне интересен за работа, но поради затекнатата состојба и предизвикувачки за стручниот тим. По изработката на потребната дескриптивна, техничка и фотодокументација, конзерваторскиот тим во моментот работи на механичко чистење на мозаичката површина и отстранување на останатата нечистотија и калцинацијата од истата. По стабилизирањето на мозаикот со процес на консолидација како и опшивање и китирање на лакуните ќе следува делумно односно парцијално подигање на мозаичката површина со цел нивелација на мозаичката подлога и повторно враќање на слојот од тесери,, велат од Завод и музеј Струмица.

Конзерваторскиот тим е предводен од Томе Филов, конзерватор за мозаик од НУ Стоби и Ване П.Секулов археолог советник од НУ Завод и Музеј Струмица а тимот го сочинуваат седум млади професионалци од седум ралични држави, специјализирани за работа на мозаици