Кавадарци се празни – за шест месеци 819 кавадарчани официјално заминале на работа во странство

Вкупно 819 кавадарчани за шест месеци побарале уверенија од судот за да можат да работат во странство. За ова денеска информираше претседателот на Основен суд со проширена надлежност Кавадарци, Лазар Нанев.

Вкупно 429 граѓанин заминале во Хрватска, а во Бугарија 84, Словенија 82, Словачка 59, БиХ 26, Германија 34, САД 30, Франција 14, Црна Гора 14 и други земји.

Инаку, 36 ученици од општината Кавадарци изминатава учебна година, во второто полугодие, се испишале и заминале во странство. Вака беше одговорено во месец јануари од Секторот за образование и спорт при кавадаречката локална самоуправа, на прашање од советникот од Левица Круме Богевски, во рамки на седница на Совет на општината.