(Видео) Османи одби да каже дали Македонија била окупирана од фашистичка Бугарија
- Реакција на Политичката Партија Левица
Министерот Бујар Османи во вчерашна емисија на домашните медиуми одби искрено да одговори за тоа што сите го знаеме, за да не ги налути бугарските власти на чии интереси служи.
По низата на скандали со т.н. „историска комисија” на која и претстои „толкување” на историјата од минатите два века, сега, Министерот дозволи да увидиме во која насока се движат работите.
Јасно е дека властите имаат за цел да ја рехабилитираат фашистичката историја на штета на партизанската и македонската – во целост. За Владата, синтагмата „бугарската фашистичка окупација” е недозволива, додека спомените за фашистичкиот државник како причинител на несреќите на Македонците и македонските Евреи, вредни за бришење од колективната меморија.
Како што вели Османи, политичарите од Владата нема да ја интерпретираат историјата – тоа е оставено на т.н. „историска комисија”, со чии резултати сме веќе запознаени. Целта на тие политичари, сепак, е да ја спроведат анти-македонската, антисемитска и ревизионистичка агенда.
Прашањето кое го налути Османи и кое одби да го одговори, гласеше:
“Дали Македонија во Втората светска војна била окупирана од бугарската фашистичка држава, под Цар Борис Трети, според кој е именувано новото контроверзно здружение во Охрид – сојузник на оската Рим-Берлин-Токио, еден од актерите во „конечното решение” за „еврејското прашање” на Хитлер, и дали најголемиот дел од Западна Македонија, под окупација на фашистичка Италија, подоцна беше окупациско подрачје препуштено на анектирање од квислиншка Албанија, на чело со балистичкото движење?
