Изложбата на скулптури и макети на уметниците Анета Стојчевска и Елизабета Тошевска, насловена како „Нова перспектива /Трансформер продукција” , ќе биде отворена вечерва во НУ Центар за култура Крива Паланка, на 16 март (четврток), со почеток во 20 часот.
Според организаторите, „Нова перспектива /Трансформер продукција” е замислена како заеднички проект на Стојчевска и Тошевска во кој секоја со свој уметнички израз и визуелна перцепција на уметничкото дело – скулптура претставува нови поинакви трансформирани видувања на мотиви, форми и принципи користени низ историјата на уметноста.
„Идејата да се пристапи на еден феномен од две различни перспективи ја чини оваа изложба уникатна не само во формална, туку и во суштинска смисла. Покрај заедничкиот наслов, дополнително е замислено користење на одделни наслови и поднаслови аплицирани кај фотографиите од скулптурите на а Тошевска и кај скиците-плановите на Анета Стојчевска, поставени во простор визуелно физички одделен од просторот во кој би биле поставени: скулптурите и 3Д макетите од огледала. Со тоа, двете поставки чинат една целина и можат да бидат перцепирани заедно“, изјави проф. д-р Трајче Стојанов, естетичар.
