Три причини зошто украинската контраофанзивата не оди по планот

Според Кристијан Молинг, истражувачки директор во Германското друштво за надворешна политика, и Андрас Рац, „Русија подготви три непријатни изненадувања за украинската контраофанзива“: 

Првиот, тврдат Молинг и Рац, е ретко користеното оружје: мински систем со далечинско управување наречен „Земледелие“ кој е способен брзо да поставува мински полиња на растојание од 5-15 километри. Германските експерти посочуваат дека ова претставува најголем предизвик за киевските трупи, бидејќи екстремно големите и длабоки мински полиња, се покриени со густа мрежа на теренски утврдувања, и ги спречуваат украинските сили да напредуваат.  

„Доколку Украина можеше да ја потисне руската артилерија и пешадија што ги покрива овие мински полиња и да ги извади од утврдувањата, расчистувањето на мините не би било голем проблем, но Украина не е во состојба да го направи тоа, главно поради недостаток на воздухопловни сили“, рекоа тие, истакнувајќи дека и покрај тоа што Украина поседува системи за противвоздушна одбрана со краток дострел, руските воени авиони се способни да ги напаѓаат украинските позиции од далечни позиции. 

Второто „изненадување“ за контраофанзивата на Киев е руската „исклучително интензивна електронска војна“, за која експертите велат дека е способна да ги исклучи украинските комуникации, вклучително и оние од беспилотните летала. 

Третиот предизвик е фактот дека по уништувањето на браната Каховка, Русија успеа многу брзо да ги пренесе сите свои сили кои го бранат левиот брег на реката Днепар на фронтот Запорожје. 

Сепак, експертите веруваат дека Украина допрва треба целосно да ја започне својата контраофанзива и дека испратила само дел од силите што ги подготвила за операцијата.