Орбан: Унгарија е единствениот здрав глас на разумот во Европа
Унгарскиот премиер Виктор Орбан оцени дека американската администрација во Брисел си ги застапувала сопствените интереси, поради што е ослабена моќта на Европа.
Цунамито од санкции почна да ја ослабува европската економија, додека САД кои се богати со евтина енергија, воопшто не беше погодена, им порача Орбан на своите поддржувачи.
Како што пренесува „Мајар Немзет“, Орбан оценил дека Европа ја изгубила независноста, економската и воената моќ за само една година.
Во оваа ситуација, според премиерот, Унгарија мора да ги застапува сопствените интереси, бидејќи само така може да излезе „неоштетена“ и засилена од периодот на конфликт.
Тоа значи, според Орбан, одбрана на независноста на Унгарија и „промировната“ позиција против администрацијата на Бајден и Брисел.
Неопходно е да се зачува силата на унгарската економија, што значи дека мора да се води војна против инфлацијата, да се заштитат работните места, семејствата и постарите лица. И конечно, но не и најмалку важно, воената сила на Унгарија мора да се зајакне, бидејќи мирот бара сила, рече Орбан.
Орбан рече дека во национален интерес на неговата земја е да не се меша во конфликтот во Украина и повтори дека Будимпешта нема да испорачува оружје на Киев.
„Ние не поддржуваме никого затоа што не може да има победници во оваа војна“, рече Орбан. Според него, Русија не може да победи бидејќи целиот западен свет стои зад Украина. А Русија е нуклеарна сила и нуклеарна сила не може да се стави во ќош, бидејќи може да започне нуклеарна војна, предупреди тој.
Орбан повторно се осврна на прашањето за санкциите кон Москва и оцени дека со нивното воведување Брисел и наштетил на Европа.
„Санкциите беа насочени кон Русија, но тие ја погодија Европа“, рече тој. Русија и западните мултинационални компании заработија многу пари од санкционирана инфлација, бидејќи во 2022 година, според прогнозите, профитот на светската индустрија за нафта и гас се зголеми од 500 милијарди на 834 милијарди долари.
Орбан рече дека во Унгарија се пријавени дополнителни профити на енергетските компании, банките, комерцијалните банки и фармацевтските компании, додавајќи дека овие профити се користат за финансирање и заштита на државните „режиски трошоци“.
