Мојсоска: На власта полесно ѝ е да го промени уставот отколку да сруши дивоградба на Матка

• Извадок од гостувањето на Јована Мојсоска, Генерален секретар на Левица, во емисијата „Јади Бурек“.

„Јас често слушам од оние платени експерти, ‘ама на Бугарија таков им е уставот’. Па и нас пред 2001година поинаков ни беше уставот, не е втемелен во камен. Ние буквално секоја година го менуваме уставот.

Кога говориме за европски интеграции, никој не зборува за сериозното ниво на корупција, за сериозното ниво на сиромаштија, на криминал, на непотизам. Ние имаме, на пример, на Тетовскиот универзитет, ректорот Вулнет Амети, уште кучето и мачето си ги нема вработено.

Но, наводно, клучен исчекор била промена на уставот! Ништо друго не се артикулира. Нас полесно ни е да го отвориме и промениме уставот, отколку да срушиме една дивоградба на Матка.“