(Аудио) Говорот на Ленин од конгресот на Третата комунистичка интернационала

Третата комунистичка интернационала (Коминтерна) основана во 1919 година е  меѓународна организација што ги обедини комунистичките партии од различни земји. Таа е основана од 28 организации на иницијатива на РКП, односно, лично по иницијативата на Владимир Илич Уљјанов (Ленин) за развој и ширење на идеите за револуционерен меѓународен социјализам, наспроти реформскиот социјализам на Втората интернационала. Прекинот на работата на втората интернационала беше предизвикана од разликата во позициите во врска со Првата светска војна и Октомвриската револуција во Русија. По револуцијата во Русија, Москва стана првото место на кое победи социјалистичката револуција, заради ова таа е домаќин на третата комунистичка интернационалата.

Во прилог во го пренесуваме говорот на Владимир Илич Уљјанов Ленин од конгресот  на Третата комунистичка интернационала:

„Во март оваа 1919 година, во Москва се одржува меѓународениот конгрес на комунистите. Овој конгрес ја основа Третата комунистичката интернационала – Унијата на работниците од целиот свет што се стреми да воспостави моќ на советите во сите земји.

Првата интернационала, основана од Маркс, постоела од 1864 до 1872 година. Поразот на херојските париски работници, на познатата париска комуна, значеше крај на оваа Интернационала. Незаборавна е, вечна е,  историјата на борбата на работниците за нивно ослободување. Маркс ги постави темелите на светската социјалистичка република, за која денес ние имаме среќа да ја градиме.

Втората интернационала постоеше од 1889 до 1914 година, до пред војната. Овој период беше време на мирен и спокоен развој на капитализмот, време без големи револуции. Работничкото движење закрепна и созреа овој период во голем број земји. Но, водачите на работниците во повеќето партии, навикнати на мирно време, го изгубија својот капацитет за револуционерна борба. Кога започна војната во 1914 година, која ја преплавуваше земјата со крв четири години, војна меѓу капиталистите за поделба на профитот, за моќ над малите и слаби народи, овие социјалисти отидоа на страната на нивните влади. Тие ги предадоа работниците, помогнаа да се продолжи масакрот, тие станаа непријатели на социјализмот и отидоа на страната на капиталистите.

Работничката маса им го сврте грбот на овие предавници на социјализмот. Во целиот свет започна свртувањето кон револуционерната борба. Војната покажа дека капитализмот е мртов. Се заменува со нов поредок а, стариот збор социјализам беше обесчестен од предавниците на социјализмот.

Сега работниците кои останаа верни на каузата за уривање на јаремот на капиталот се нарекуваат комунисти. Сојузот на комунистите расте низ целиот свет. Во голем број земји, советската моќ веќе победи. Нема да помине многу време и ќе ја видиме победата на комунизмот низ целиот свет, ќе го видиме основањето на Светската Федерална Република на Советите.“

Овој говор бил снимен на плоча од грамофон.
Снимката со македонски превод можете да ја слушнете на следното видео: