Македонија не смее да биде колонија

Некогаш левичарите беа глобалисти, додека конзервативците беа суверенисти, сепак, денеска позициите се дијаметрално спротивни, констатира професорката Билјана Ванковска, кандидат на Левица за претстојните претседателски избори.

– Светот е „ап-сајд даун“, би рекле наопаку поставен. Ова е орвелијански свет во кој велат мирот е војна, а војната е мир. Сега тука веќе таблата се менува и реториката и тие квалификации не важат. Мораме да се сослушаме, а не ставиму некому етиката и готово тој нема право веќе да ја каже позадината на тоа твое тврдење. Така што да ја сум суверенист во смисла на тоа дека Македонија не смее да биде колонија и ова што ни го приредија во овие 30 години е нешто што ни една генерација нема да ни го прости, вели Ванковска.

Во интервјуто дадено за Слободен печат, таа говореше за својот однос кон договорите што ја дефинираат внатрешната и надворешната позиција на Македонија, сметајќи дека рамковниот, преспанскиот и договорот за добрососедство се штетни за нашата земја. Што се однесува до НАТО, таа вели дека е исклучиво против членството на Македонија во било каков воен сојуз. За Европската Унија, Ванковска вели дека ѝ недостасува демократски капацитет, иако не ја отфрла идејата за наше полноправно членство во Унијата.

На прашањето дали е антиалбански кандидат, таа порача дека е космополит, а ги демантираше и гласините дека е дел од плановите на Руската Федерација.

Таа ги осуди и шпекулациите дека зад нејзината кандидатура во позадина стојат поголемите политички партии.

– Некој не спиел па шпекулирал дека СДСМ ќе ми ги собере потписите, а други тврдат ВМРО ми ги собира потписите за да потоа во вториот круг ја вратам поддршката – истакна Ванковска.