Трибина: „Детска книжевна продукција“ утре во КИЦ
Утре 6 декември 2023, со почеток од 13:30 часот во Културно информативниот центар – Скопје, Салон – Империјал 1 ќе се одржи трибината „ДЕТСКА КНИЖЕВНА ПРОДУКЦИЈА“
Носител на проектот со работен наслов „Детска книжевна продукција“ е Ана Јовковска (научен истражувач, докторанд на културолошки студии на Институтот за македонска литература при УКИМ, магистер по културолошки студии, дипломирана новинарка, колумнистка, писателка, ТВ-уредничка и специјалист за односи со јавност).
Говорници:
– проф. д-р Весна Мојсова-Чепишевска
– Ника Гавровска, авторка и уредничка во издавачка куќа „Гаврош“
– Бистра Георгиева, авторка
Проектот е замислен како тематско продолжение на панел-дикусијата „Книжевната сцена во современиот културен контекст“ со фокус на литературата за деца, акцентирање на важноста од едукативната компонента, педагошката функција на литературата и уметноста, развивање на креативноста кај децата и поттикнување на љубопитството преку читање во правец на развивање на критичко, иновативно размислување, како и следењето на современите светски текови на детската продукција во рамки на литературата и илустрацијата.
