Грчки националисти го нападнаа домот на Архимандритот Никодим Царкњас

Грчки националисти го нападнаа домот на Архимандритот Никодим Царкњас, причината за тоа не е кажана јавно, но, главната претпоставка е дека поради тоа што тој е Македонец кој тоа не го крие и често е дел од македонските собири, како во Грција, така и во земјите од соседството.

Неговиот дом беше каменуван, беа фрлани и јајца, а во дворот му беше напишано ЕЛЛАС. За оваа објава на социјалните мрежи е заслужен Стилианос Самартзис.

„Во домот на Архимандритот Никодим Царкњас… Грчки националисти му фрлија јајца на автомобилот и му напишаа на бетонскиот под ЕЛЛАС. Камења на прозорците.. До кога теророт врз 81 годишен старец ќе продолжи?“ – стои во објавата каде беа споделени фотографиите.