Левица: Стефковски да ги обелодени фирмите кои ќе градат пред ние да ја информираме јавноста
- Реакција на Политичката партија – Левица
Вчера на прес-конференција изнесовме информации за планот на градоначалникот Стефковски да ја задуши општината со бетонско чудовиште од 16 згради со по над 10 ката на простор поголем од ИстГејт мол, во близина на трговскиот центар.
Денеска веќе Град Скопје потврди дека овој Детален урбанистички план ЦС 10.03 е доставен до службите на градот, иако градоначалникот вчера лажно го негираше овој злонамерен акт на урбанистички тероризам врз жителите на Гази Баба.
Го повикуваме градоначалникот да обзнани кои фирми ќе учестуваат во овој проект, пред ние да ја информираме јавноста за блиските врски помеѓу раководствата на СДСМ и ВМРО-ДПМНЕ и фирмите кои се предвидени да бидат дел од оваа лукративна зделка.
