Јазикот и идентитетот ви е признат, ама вие сте „Северномакедонци“

јуни 26, 2023 Антропол

Во германскиот Бундестаг беше изгласана резолуција за признавање на македонскиот јазик и идентитет, чин кој аналитичарите го гледаат како уште еден обид за креирање слика во јавноста која ќе овозможи народот полесно да проголта уште едно национално предавство и преку уставните измени изврши бугаризација на Македонија.

Она што е интересно, со гласањето на резoлуцијата за признавање на македонскиот јазик и идентитет, а малкумина го знаат, е дека за време на Седницата во германскиот Бундестаг, на која се дебатираше за оваа резолуција – Македонците беа нарекувани „Северномакедонци“. Поради ова, од Централниот Совет на Македонците во Германија излегоа со остра реакција:

Почитувана претседателка на Бундестагот, почитувани пратеници на Бундестагот.

Со голем интерес ги следевме дебатите на 15-ти јуни 2023 година во Бундестагот и сакаме да ја изразиме нашата благодарност за активната поддршка на Владата на Сојузна Република Германија за нејзината силна поддршка кон македонскиот народ на неговиот пат кон Европската Унија.

Идентитетот, јазикот и културата на македонскиот народ се од големо значење и сакаме да ги охрабриме сите пратеници во Бундестагот да се воздржат од употребата на термините “северномакедонски” и “Северномакедонец”.

Со загриженост забележавме дека пратеникот Маркус Фронмајер продолжуваше да ги користи овие презирливи термини во својот говор, без никаква реакција од неговите колеги.

Со искрена надеж, се надеваме дека пратениците ќе се сложат и ќе ги избегнуваат таквите неприкладни термини и активно ќе се спротивставуваат на нивната употреба, со цел почитливо да се однесуваат кон македонскиот народ и неговиот идентитет, јазик и култура. Како што беше истакнато во говорите, Македонците се дел од европското семејство и придонесуваат кон разнообразноста на ЕУ.

Македонскиот народ и Централниот Совет на Македонците во Германија ви благодарат за разбирањето и поддршката.