Истражување на ИДСЦС: Македонците се против уставни измени ― 92% поддржувачи на Левица
Институтот за демократија „Социетас цивилис“ – Скопје, ИДСЦС ги објави резултатите од истражувањето кое од 2022 година беше спроведено преку телефонска анкета од 17-30 ноември, преку национален репрезентативен примерок од 1005 испитаници.
Според резултатите од ова истражување, две третини од вкупниот број на испитаниците (65%) не се согласуваат со уставни измени неопходни за комплетирање на фазата за отворање на преговорите зачленство. Следено според етничка припадност, цврсто мнозинство од 80% Македонци се против уставни измени. Додека пак, 53% од испитаници идентификувани како етнички Албанци даваат поддршка на уставните измени.
Според политичка наклонетост, против уставни измини се дури 92% од поддржувачите на Левица, а од поддржувачите на ДУИ, 20% се против.
Според етничка припадност, ПРОТИВ уставни измени се:
80% Македонци;
32% Албанци.
Според политичка наклонетост, ПРОТИВ се:
92% Левица;
89% ВМРО;
72% Оние кои НЕ ГЛАСААТ;
59% СДСМ;
54% Алијанса;
20% ДУИ.
