Левица: Политичкиот пазар помеѓу СДС и ДУИ нè чини пола милијарда евра
- Реакција на Политичката партија Левица
Левица во неколку наврати реагираше за несоодветните кадровски решенија во енергетските компании, под капата на државата и апелирааше до власта да не импровизира со неспособен партиски кадар во овој клучен сектор за опстанок на државата.
‼️Во изминативе 20 месеци, овие компании, ЕСМ и МЕПСО, предводени од некадарни партиски послушници, ја коштаат државата преку 500 милиони евра или преку 25 милиони евра месечно.
Со новото кадровско решение во ЕСМ дистрибуција за топлинска енергија се очекува и оваа државна компанија да се приклучи кон останатите две.
Бујар Дардишта, доскорешен директор на Управата за водење на матични книги, на кого му фалеа преко 90 илјади изводи од книгата на родените и кој издаде преку 20 илјади погрешни изводи, сега ќе се грижи за системот на топлинска енергија кој опслужува преку 60 илјади жители.
Јасно е дека Ахмети со ова ги смирува внатрепартиските тензии, но не ни е јасно како премиерот Ковачевски дозволува вакви докажани “експерти”, со сомнителни дипломи, да бидат на одговорни позиции токму во период кога државата се соочува со енергетска криза.
