Левица одбележа 80 години од смртта на Стив Наумов

• Соопштение на Левица ЛО – Битола

Стеван Наумов – Стив е истакнат македонски комунист и револуционер. Роден е во Битола на 27 октомври 1920 г.и потекнува од печалбарско семејство.

По завршувањето на гимназија во Битола, во 1938 година заминува во Белград и студира Технички факултет. Со самото доаѓање во Белград, тој пристапил на напредното работничко движење и бил често во затвор.

Во 1939 г. станал член на КПЈ, а по враќањето во Битола, во септември 1940г бил избран за секретар на Месниот комитет на КПЈ за Битола. Во 1942 учествувал во формирањето на Битолскиот партизански одред, а на 6 мај 1943 го убил бугарскиот полициски началник.

Во јуни 1942 станал член на Оперативниот штаб на партизанските одреди во Македонија. За неговата глава се барале 200 000 лева и затоа тој се самоубил на 12 септември 1942 во селото Болно, Ресенско, заедно со неговиот соборец Мите Богоевски после борба со бугарската војска и полиција.
Наумов со бомба сам си го одзема животот за да не падне во рацете на бугарските фашисти.

Бугарите не сакале да се знае неговото гробно место заради неговата величина и го погребале на непозната локација. Телото никогаш не е најдено.

Една година по неговата смрт, Битолскиот баталјон, формиран на 11 ноември 1943 година во Леринското село Винени, бил наречен по него.