Апасиев: Во сите големи скандали на власта учесник е и ВМРО-ДПМНЕ

И пред очите на јавноста и зад затворени врати во Собранието баш се одвива војна, изјави Димитар Апасиев, пратеник во Собранието и лидер на политичката партија во своето гостување во Тема на денот на ТВ Сител.

– Има една изрека „Војна на секој против секого“. Во случајов не е така, туку војна на сите против Левица, бидејќи и ДПМНЕ учествува во таа кампања. Гледате дека најголемите зулуми не поминуваат без учество на ДПМНЕ од пописот, до она што го ветираше Пендаровски, Законот за дивоградби беше договорен, овој за автопатот исто така договорен.

Значи, сите овие големи скандали не поминуваат без колаборација на ДПМНЕ и единствени кои го креваат гласот внатре се пратениците на Левица, затоа на сите сме им трн во окото и затоа сите оружја се вперени кон Левица, додава Апасиев.