Гази Баба организира презентација на контроверзен ДУП под рестриктивни мерки – предвидува и депонирање на отпад

Денес општина Гази Баба организира презентација за ДУП-овите за блок 2,3 и 4 од С 1, иако вчера Владата донесе одлука за забрана за организирање конференции и семинари. Дел од жителите стравуваат дека со новите ДУП-ови се предвидува тешка загадувачка индустрија во една од најзагадените општини во Скопје.

После интензивна расправа од страна на координаторката на Секторот за урбанизам, Благица Блажевска со присутните граѓани и активисти, расправата беше прекината. Загрижени граѓани започнаа и онлајн петиција за спречување на усвојувањето на овие ДУП-ови, каде се наведува дека „согласно ГУП на Град Скопје основната намена е Г-производство, тешка и лесна индустрија. „За да е пострашна приказната, стои во петицијата, во линија над комплексот ф-ка Железара во исто време се води постапка за три урбанистички проекти со намена Е 3.1 – постројки за термички, физичко – хемиски и хемиски третман на неопасен отпад.”

За случајот реагираа и од политичката партија Левица, од каде наведоа дека наместо отварање на нови загадувачи, градоначалникот Георгиевски треба да го испочитува ветувањето за гасификација на општината, со што значително ќе се намали аерозагадувањето.