Левица: Продолжува бетонизацијата на Карпош
Од Локалниот Огранок – Карпош на Левица реагираа за усвоената предлог-програма во областа на располагањето со градежното земјиште во сопственост на Република Македонија од страна на општина Карпош.
Во понеделникот се одржа 53. седница на Советот на Општина Карпош, при што беше усвоена предлог-програмата за активностите на Општина Карпош во областа на располагањето со градежното земјиште во сопственост на Република Македонија на подрачјето на Општина Карпош за 2021 година.
Според оваа програма, за годинава планирано е отуѓување на 12 парцели со вкупна површина од 41.716 метри квадратни, од кои површината за градење изнесува 23.746 метри квадратни. Притоа, максималната изградена површина изнесува 116.221 метри квадратни. Со ова, советниците предводени од Стефан Богоев и натаму продолжуваат да ги игнорираат барањата на жителите на Општина Карпош за прекин на бетонизацијата и подигнување на повеќе зелени површини. Левица ги осудува постапките на советниците, кои по којзнае кој пат застанаа зад интересите на урбаната мафија.”
