Роденден на Назим Хикмет – поетот на Револуцијата
На денешен ден роден е Назим Хикмет (15 јануари 1902, Солун – 3 јуни 1963, Москва). Писател, поет а пред се револуционер и уметник во служба на пролетерската борба низ целиот свет. Назим како еден од најголемите поети на 20-тиот век, во својата поезија комунистичката борба ја отпеа преку пролетерските маки, но и стремежите за слобода на истата борба. Стремежи кои денеска така сјајно и спокојно провејуваат низ неговите дела како флејта која се издига од бучен оркестар.
Подолу е неговата поема насловена „Во букова снежна шума“ (Тр: „Karlı kayın ormanında“) – 14 Mart 1956, Москва, Переделкино.
Низ снежните букови шуми
чекорам јас приквечери.
Натажен и во мака
молам, подајми ти рака,
каде ли ти е таа?!
Снегот во светлина месечева обоен,
А картонскиве чизми ми тежат еве
Во мене тонот кој тихо свирка
каде ли ме повикува?
Дал татковината ил sведите,
или пак подалечна ми e младостта?
Измеѓу буките и шуми
прозор еден, жолт, топол.
По календарот стар
пролетта почна утрово баш!
Сите испратени играчки до мојот Мемед
се вратија назат денес.
А снегот чист, бурен
меко по него чекорам
Вчера во единаест ипол
умрел Берут – се познававме;
Кај мене сива една марама има
и книгата негова, потпишана.
Од рака на рака книга поминува,
а вечен ке биде од него вадохт.
Дал татковината ми е далечна
младоста ми моја или пак ѕвездите?
Бајрамоглу, Бајрамоглу!
отаде смртта село има ли?
Во ноќта, чекорам
низ шума снежна и букова
Во мрак наоколу,
како ден се гледам
СЕГА САМО ШТО ЌЕ ТУКА СВРТАМ
АВТОПАТ, ШИНИ, РАМНИНИ
НЕКАДЕ ОД ДВАЕСЕТ И ПЕТ КИЛОМЕТРИ
МОСКВА СЈАЕ И СВЕТИ.
Препев од Турски јазик: Хактан Реџеп Исмаил