Криминалниот ДУП во Ѓорче Петров на малкумина ќе им донесе профит од 240 милиони евра
Во саботата на вонредна седница, советниците од ДПМНЕ во Советот на Општина Ѓорче Петров изгласаа катастрофален ДУП за градска четврт С3 16, информираат од локалната организација на Левица од Ѓорче Петров.
Оттаму откриваат што е предвидено да се гради со овој ДУП:
-21 кат (1 објект),
-18 ката (1 објект),
-16 ката (4 објекти),
-14 ката (два објекти)
-11 ката (6 објекти)
-9 ката (7 објекти),
-6 ката (1 објект)
-5 катници (9 објекти)
Овој проект ќе значи и 240 милиони евра профит за набавка на бетон, многу загаден воздух и руиниран водоснабдителен систем.
– Дополнително, постои опасност да се изврши загрозување на трасата на главниот железарски цевковод Ф1600 со кој се врши водоснабдување на северниот дел на градот Скопје. Имено, во склоп на објект на Алкалоид таканаречената Лафома минува главниот железарски цевковод кој претставува основна водоснабдителна артерија на северниот дел на град Скопје. Во дворот на Лафома се наоѓаат и затварачи на делница од главниот железарски цевковод.
Исто така во непосредна близина се наоѓа и бунарското подрачје Лепенец. Реализацијата на овој ДУП за градски четврт С3 16 е прикриен од страна на градоначалникот Стојкоски со изградба на училиште, а реално носи потенцијален профит на инвеститорите од 240.000.000 евра.
– Шефот на урбаната мафија Стојкоски – наместо да го реши проблемот со водоснабдувањето на Ѓорче Петров потенцијално го загрозува водоснабдувањето на северниот дел на град Скопје! ДУП за градска четврт С3 16 е доказ за интерес коалицијата ДПМНЕ – СДС, потпишана од тандемот Стојковски – Бочварски на штета на жителите на Ѓорче Петров.
