Кражба и вандализам – Украдени бисти на Мисирков и Пулевски, искршена на Рацин

Најмалку три бронзени бисти на истакнати македонски дејци се украдени или оштетени во Скопје, што предизвика загриженост за безбедноста на културното наследство и јавните споменици.

Според информациите од Министерството за внатрешни работи (МВР), на 1 март 2025 година, во 09:30 часот, од ЈП „Паркови и зеленило“ било пријавено дека во Градскиот парк, кај бараките на Град Скопје, била украдена бистата на Крсте Петков Мисирков, а бистата на Кочо Рацин била оштетена.

Истата вечер, во 13:25 часот, од Основното училиште „Ѓорѓија Пулевски“ во општина Аеродром било пријавено дека од дворот на училиштето била украдена бистата на Ѓорѓија Пулевски.

Дополнително, двајца граѓани од Скопје пријавиле дека од гробни места на Градските гробишта Бутел биле украдени две бронзени бисти.

МВР соопшти дека се преземаат мерки за расчистување на случаите.

Овие инциденти предизвикаа загриженост во јавноста за безбедноста на културното наследство и јавните споменици.