Крстевски: Власта на ДПМНЕ ја претвори трагедијата во Кочани во демонстрација на циничен неморал и институционална парализа

По катастрофалната трагедија во Кочани, во која животот го загубија невини граѓани, јавноста – со право – бара правда. Но од власта на ВМРО-ДПМНЕ добива само молк, патетичен пи-ар и бесрамна саботажа на секој човек што бара одговорност.

Како што остро реагира и укажува Венко Крстевски во својот јавно изнесен став на Фејсбук, ниту еден функционер од МВР не е уапсен. Не е уапсен ниту директорот на Бирото за јавна безбедност. Нема санкција за ниту еден директор на инспекторат. Нема ни О од оставка – ниту од министерот за внатрешни работи, ниту пак од премиерот, кој во стил што прилега само на забеган диктатор, граѓаните што протестираат ги нарекува „глодари“.

Протестите во Кочани, каде граѓани излегоа да бараат неселективна правда, се игнорирани и цензурирани од провладините медиуми. Наместо да се даде поддршка на граѓанскиот отпор, власта и нејзините структури на терен активно агитираат против протестите, ги саботираат и ги сатанизираат луѓето што бараат отчет за изгубените животи.

Како што вели Крстевски: „Секој кој протестира е сатанизиран на најнизок подмолен начин“. Проблемот не е што народот протестира – проблемот е што власта прави сè за да не се слушне нивниот глас.

Оваа власт не ја трогна ни трагедија од ваков обем. Тоа покажува до кое дереџе на морална изопаченост е стигната партијата што ја води државата, ДПМНЕ.

Има ли поголем срам од фактот дека токму тие што не протестираат, што молчат, што не известуваат за настанот, што саботираат и штитат функционери од одговорност, тврдат дека „не им било до политика“ – додека самите прават сè поради политички калкулации, со една-единствена цел: да ја задржат власта по секоја цена.

Овој став на Венко Крстевски е гласот на многу граѓани. Тој не зборува од политички мотив, туку од морална потреба – потреба за вистина, одговорност и правда.

Ако оваа власт има барем трошка совест, ќе поднесе оставки. Ако нема – тогаш народот мора уште погласно да бара она што институциите очигледно веќе не го даваат: правда за Кочани, правда за сите!

Неговиот статус на Фејсбук го претставуваме во целост: