Крмов е единствениот координатор кој побарал Собранието да работи – Освен Левица сите партии биле против

Денес од собранискиот Спикер – Африм Гаши беше соопштено дека втора недела по ред, Собранието нема да работи поради трагедијата во Кочани. Во неговото соопштени беше наведено дека сите партии се сложиле околу тоа собранието на не работи, што е апсолутна лага и беше демантирано од Левица и пратеникот Крмов.

Според Координаторот на пратеничката група на Левица, овој потег на власта е поради страв од задолжителната седница за пратенички прашања.

„Околу наводниот консензус за (НЕ)работата на Собранието. Јас бев единствениот координатор кој бараше редовно да работиме и да имаме пратенички прашања. Тоа едногласно беше одбиено од сите координатори вклучувајќи ја и опозицијата“ – напиша Крмов.

Тој дополни дека неговото барање за работа на собранието било одбиено и покрај укажувањето од негова страна.

„Јас укажав дека може да работиме и да се однесуваме достоинствено земајќи ја во предвид трагедијата која се случи. И повторно бев одбиен од сите координатори со образложение дека такво нешто е невозможно. И бидејќи моето барање беше одбиено се донесе одлука да не се работи и оваа недела“ – соопшти крмов на неговиот фејсбук профил.