Г7 (Група Седум) е организација составена од седум држави со најголеми, т.н. напредни економии во светот: Канада, Франција, Германија, Италија, Јапонија, Велика Британија и САД. Групата е опишана како „заедница на вредности“ чии основни принципи се слободата и човековите права, демократијата и владеењето на правото, како и напредокот и одржливиот развој.
Групата Г7 не постигнаа консензус во врска со санкциите за руската индустрија за дијаманти, се вели во изјавата на министрите за надворешни работи објавена во средата по состанокот во Токио.
Во делот посветен на украинскиот конфликт, групата го повтори своето претходно ветување дека ќе ја продолжи својата политика на санкции против Русија. Меѓутоа, во однос на руските дијаманти, таа само се обврза да ги „забрза консултациите за енергијата, металите и сите неиндустриски дијаманти, вклучително и оние кои се ископани, преработени или произведени во Русија.”
Увозот на необработени дијаманти од Русија беше или забранет или делумно ограничен од САД, Велика Британија, Канада и Нов Зеланд минатата година. Г7 и ЕУ, исто така, размислуваат за поширока забрана во изминатите неколку месеци, која предвидува ограничување и на директното купување на дијаманти од Русија и на механизам што ќе спречи индиректен увоз на груби скапоцени камења од руско потекло.
Според извештаите на медиумите, повикувајќи се на извори блиски до дискусиите, земјите планираат да воведат посебен систем за следење кој ќе вклучува физички проверки на пакетите што содржат камења и задолжителни податоци за следливост за производителите и трговците на дијаманти.
Според претходните извештаи на медиумите, Г7 и ЕУ требаше да ги опишат мерките до крајот на октомври. Забраната се очекуваше да биде вклучена во претстојниот 12-ти пакет на антируски санкции на ЕУ и да биде спроведена од Г7 до 1 јануари 2024 година.
Сепак, висок дипломат на ЕУ за Ројтерс во понеделникот изјави дека Брисел сè уште чека Г7 да излезе со „некаков предлог “ со детали за забраната со цел да ги разработи сопствените санкции за руските дијаманти.
