Форбс: Бугарские транспортери дадени на Украина нема да издржат долго

Оклопниот транспортер на тркала БТР -60 од 1960-тите е оклопен транспортер само по името. 

Затоа, новата голема донација на Бугарија за Украина од стотина локално надградени БТР-60 и не е вест за радување. БТР -60 е подобар од алтернативата ако алтернативата е пикап. Тој не е подобар од модерен камион отпорен на мини или борбено возило на пешадија.

Бугарскиот министер за одбрана Тодор Тагарев го објави трансферот на БТР, но објасни дека тие нема да пристигнат брзо, бидејќи донацијата бара одобрение од парламентот до крајот на септември или почетокот на октомври.

БТР најверојатно ќе бидат модел БТР-60ПБ-МД1 од 11 тони кои имаат шасија со осум тркала, капацитет за 17 лица и митралез од 14,5 милиметри монтиран на кровот исто како и другите БТР-60, но овие можат да се пофалат со уникатни бугарски модификации вклучувајќи подобра ноќно гледање и нов дизел мотор со 250 коњски сили.

Подобрувањата од почетокот на 2000-тите не помогнаа ништо да ја подобрат најголемата слабост на БТР -60: неговиот челичен оклоп од девет милиметри. Заштита е толку слаба што поупорен автомат лесно може да го пробие.

Дека старите модели на БТР се ранливи е очигледно од статистиката. Украина влезе во војна во февруари 2022 година со одреден број БТР-60, и реактивираше голем број стари складирани БТР главно за да додаде мобилност на формациите на резервната и националната гарда и веќе отпиша 20 од нив. 

БТР не треба да се впушта никаде во близина на линијата на фронтот, и украинското Министерство за одбрана го знае тоа.