Остварена иницијативата на Левица, обезбеден е нов кош за децата од „Големиот паркинг“
- Соопштение на Левица – ЛО Штип
На 1 јуни 2023 година беше поднесена Иницијатива до Советот на Општина Штип за обезбедување на нова табла и обрач за импровизираното детско игралиште во населбата Сењак.
Бидејќи пред 10тина години таблата била поставена од страна на #Општина_Штип, сосема легитимно беше барањето за обновување на дотрајаната и стара табла.
Вообичаено, предлогот на Советникот од Левица не беше поддржан од страна на мнозинството советници и инивијативата не се ни постави на дневен ред.
Во меѓувреме, се направи координација помеѓу советникот Михајловски, членовите и активисти на #Левица, заедно со жителите од околните згради. Беше отстранета старата метална конструкција како и дотраената дрвена табла и со сопствени средства се започна со работа на новата табла во старата конструкција.
Денес резултатот е видлив. Нов кош за маалските деца и повторно насмеани детски лица.
