Смилев: По закон, Устав и пропис распродадено најатрактивното земјишта покрај езеро Младост
- Фејсбук статус на Игор Смилев – Советник од Левица во Општина Велес, по однос на распродавањето на земјиштето околу велешкото езеро Младост, од страна на политичката елита на ВМРО-ДПМНЕ, СДСМ и ДУИ.
Распродадено е најатрактивното крајбрежно земјиште на велешкото езеро Младост. Проектот за целосна приватизација на езерото започнат во 2007 год. полека се ближи до крајот.
Целокупниот реон над патот е променет до непрепознатливост. Ридот е симнат буквално на нула, а за поглед кон езерото ќе треба скапо да платите.
На Парцелата број 108/38 за чие оттуѓување ставил потпис градоначалникот Марко Колев, а со претходен амин од антинародната Влада на СДС И ДУИ ќе никне хотелски комплекс со минимум 32 апартмани и со висина од над 20 метри.
И нормално, се е по Закон, Устав и Пропис, освен што ние од Левица лаеме и манипулираме. И Освен што градоначалникот додека ме гледаше во очи лажеше дека таа парцела ќе биде само за пристапен пат.
Го дадовме курбан нашето езеро за грст златници. Езерото станува нова Бабуна – симбол за најголема легална дивоградба на државата во режија на политичките елити на СДС, ДПМНЕ И ДУИ!
За сите детали ќе бидете навремено информирани во следните денови.
П.С. Немојте да одите на езеро. Повеќе нема што да видите. И не му верувајте на Колев дури и кога лаже !!