Економски систем зависен од коленичење пред странски и домашни фактори

• Фејсбук статус на Бранко Ристовски – член на Президиумот на Политичката Партија Левица

Имаме пад во производството на прехранбени продукти од над 10% во време на криза, што е директно поврзано со покачувањето на цените ради монополската позиција на неколку компании.

Ова се случува само година дена откако Заев малтене поклони земјоделско земјиште на французи за ветерници.Изградбата и функционирањето на тие ветерници не е и нема да биде под контрола на државата. А ради геополитика, цените во енергетиката ќе растат.

Кусогледиот пристап “ако не знам како, ќе го продадам на приватњак” е заштитен знак на СДС-ДПМНЕ владеењето, од осамостојувањето до ден денес. Ефектот, со овој еден пример, е директно намалување на капацитетите за производство на хранбени продукти во државата додека во исто време се обезбедува долгорочна енергетска зависност.

Следен чекор е распродавање премиум простор за обновливи извори на енергија на југот од Македонија. Како долгогодишен брачен пар, навидум скарани но секогаш синхронизирани, СДС во Богданци и ДПМНЕ во Гевгелија пробуваат да протуркаат намалување на комуналиите за инвеститори.

Во контекст на политика ова е еднакво предавство како и промена на името.

Всушност градењето на економски систем зависен од коленичење пред странски и домашни фактори е директно поврзано со губењето на македонската државност и суверенитет.