Левичарскиот Институт „Рацин“ со промоција на филмот „Битката за Севастопољ“ во Куманово

Караванот за проекција на филмот „Битката за Севастопољ“ организиран од Левичарскиот Институт „Рацин“ продолжува низ градовите ширум Македонија. Првата промоција на овој филм беше одржана на 10-ти мај во КИЦ во Скопје, ден по одбележувањето на „Денот на победата над фашизмот“. Денес ваква промоција ќе се случи во Куманово со почеток од 18:00 часот, за настанот известија од Локалниот огранок на Левица од Куманово. Во нивнаа објава пишува:

По повод „Денот на победа над фашизмот” (9-ти мај), овој месец би сакале да посветиме внимание на важноста на борбата против фашизмот, согласно анти-фашистичката традиција на Македонија и посебно нашиот град Куманово, како град каде пукна првата пушка на Народно-ослободителната војна во која беше поразен бугарскиот окупатор и Македонија беше ослободена од фашистичкото зло.

По период на тешки страдања, огромен број на човечки жртви и денови на заробеништво кои со себе ги понесе Втората светска војна, месецот мај значеше светла точка и пресвртница. Пресвртница која светот ја почувствува во 1945-та година, со потпишување на капитулација на нацистичка Германија и официјален крај на грозоморните настани и Втората светска војна.

Со цел свечено одбележување на месец мај, се одржува проекција на филмот “Битка за Севастопољ” .
украинско-руски игран филм, во режија на Сергеј Мокрицки, снимен во 2015 година.

Во него се раскажува судбината на легендарната жена снајперист од 25-тата дивизија на Црвената армија, Поручник Људмила Павличенко, која е херој на Советскиот Сојуз како најефикасната снајперистка во Големата патриотска војна и нејзиното учество во одбраната на Севастопољ.

Проекцијата ќе се одржи во Општинската зграда “Комитет”, на ден 25.05.2022 година, од 18:00 до 20:30 часот.
Ве покануваме заедно да го одбележиме овој историски значаен месец и заедно да се потсетиме на вредностите кои нашите претци ни ги оставија борејки се во НОБ.