Левица: Урбаното разубавување се претвори во градежно силување

Локалниот огранок на Левица – Битола реагираше за „просторното разубавување” од страна на градоначалничката Наташа Петровска со ништењето на зеленилото во градското централно подрачје.

---

Изминативе денови бевме сведоци на уништување и сечење на дрворедот пред поштата на ул „Рузвелтова” во Битола.
Во занесот од предизборната кампања, градоначалничката Наташа Петровска без нималку чувство, во името на „просторното разубавување” го уништува зеленилото и тоа токму во градското централно подрачје каде што има најголема фрекфенција на возила и најголемо аерозагадување.

Знаејќи дека Битола е од најзагадените градови во Македонија, и знаејќи дека градоначалничката Наташа Петровска ветуваше справување со аерозагадувањето, ваквиот чин е токму спротивен и делува потценувачки кон сите граѓани на Битола.
Имено, не смееме да дозволиме секоја слободна зелена површина да биде запоседната и узурпирана од процесот на урбаното разубавуање и да биде предмет на градежно силување.

Бескомпромисната битка за профит и власт во пресрерт на локалните избори носи непоправлива штета на тешко обновливи зелени површини.

Битола заслужува подобро.
Битолчани заслужуваат повеќе.

---

---