Бајден одобри милијарда долари воена помош за Израел

Белата куќа му порача на Конгресот дека сака да испрати повеќе од милијарда долари во оружје во Израел, и покрај притисокот од израелската офанзива во Рафа, јавува Би-би-си.

Пакетот за помош во оружје ќе вклучува тенковски гранати, минофрлачи и оклопни тактички возила. Планот секако мора да биде одобрен од Конгресот.

Минатата недела, претседателот Бајден рече дека ќе ја запре испораката на оружје доколку Израел започне голема инвазија на Рафа. Тој исто така рече дека го одложил доставувањето на бомбите во Израел поради тоа како тие би можеле да бидат искористени во таква копнена операција.

„Цивили беа убиени во Газа како резултат на тие бомби“, ја објасни својата одлука тогаш.

Во меѓувреме, израелските тенкови напредуваа подлабоко во станбените области југоисточно од Газа.

Во петокот, извештајот на американскиот Стејт департмент покажа дека оружјето од американско производство доставено до Израел можеби било користено во кршење на меѓународното право.

Иако извештајот беше јасен укор за некои израелски операции во Газа, тој дефинитивно не рече дека кампањата на израелската армија го прекршила меѓународното право.

Се додава дека гаранциите што Америка ги добила од Израел за придржувањето до легалната употреба на американското оружје се „веродостојни и доверливи“.