Апасиев: Левица го има најдобриот претседателски кандидат
На денешната пресс-конференција која се одржа во „Клубот на новинари“ Политичката партија Левица соопшти дека кандидат кој го предлагаат за Претседател на следните претседателски избори е Билјана Ванковска На пресс-конференцијата каде се обрати лидерот на партијата Апасиев кој истакна дека го имаат најдобриот кандидат.
Денес е голем ден за нас како Левица и за првпат обзнануваме наш претседателски кандидат, а тоа е професорката Билјана Ванковка и мислам дека го имаме најдобриот кандидат. Сметаме дека партијата достигна до ниво и дека ќе го полага матрурскиот испит со собирање на 10.000 потписи – рече Апасиев.
Лидерот на Левица додаде дека тој и сопартијците како млади политичари чувствувале должност да извадат свој кандидат за претседателски избори.
Сметаме дека е дојдено времето народот да препознае кој се бори чесно за интересите на Македонија. Дека со избор помеѓу двете помали зла стигнавме до ова дереџе и мислам дека ние како млада генерација на атипични политиари чувствуваме должност да извадиме кандидат за претседателски избори. После нашите внатрепартиски анкети каде што имаше повеќе имиња во игра, најдобриот скор го имаше професорката Ванковска. Фрламе ракавица на мејнстрим буржоаските партии кои ќе се натпреваруваат со нас – додаде тој.
