Русија сплотена со Јужна Америка за да му се спротивстави на Западот

Министерот за надворешни работи на Русија, Сергеј Лавров, синоќа во Каракас, Венецуела, изјави дека е неопходно да се „здружат силите“ за да се спротивставиме на „уцените“ на Западот.

„Неопходно е да се здружат силите за да се спротивставиме на обидите за уцена и нелегалниот едностран притисок од Западот“, рече Лавров на прес-конференцијата со неговиот венецуелски колега Иван Гил, зборувајќи за „мултиполарен свет“.

По Бразил, Венецуела е вториот дел од турнејата на Лавров низ Јужна Америка, а потоа оди во Куба и Никарагва.

„Венецуела, Куба и Никарагва се земји кои сами го избираат својот пат“, рече тој. Тие три земји имаат влади инспирирани од социјализмот и хронично лоши односи со САД“.

Рускиот министер се осврна и на војната во Украина, нагласувајќи: „Ќе ја решиме ситуацијата во Украина и другите конфликти во светот со принципите на Повелбата на ОН за суверена еднаквост на државите“