Задоцнета правда, но не и молк – Протест во Кочани за трагедијата на 16 март
Во организација на семејствата на загинатите и граѓанските иницијативи, денеска во Кочани се одржа протестен марш под слоганот „Задоцнета реакција“. Овој марш е одговор на трагичниот пожар кој на 16 март 2025 година ја потресе земјата и однесе 60 животи, а остави стотици повредени. Семејствата на жртвите, во знак на револт и барање за правда, ги повикаа сите граѓани да се приклучат и заедно да побараат одговорност за трагедијата. Меѓутоа, протестот не е ограничен само на Кочани – слични акции се одржаа и во Скопје, каде што учесниците се залагаа за промена на системот и поголема одговорност на властите.
Во Скопје, Иницијативата „Кој е следен?“ организираше марш со цел да се промени системот и да се спречат слични трагедии во иднина. Учесниците се движеа од Владата кон Судскиот совет, Собранието и Кривичниот суд, извикувајќи „Доста беше смрт“ и барајќи правда за сите жртви на трагедии во земјата.
Иако поминаа повеќе од четири недели од трагедијата, истрагата сѐ уште нема одговори на клучните прашања за одговорноста. Јавноста е загрижена за бавноста на процесот и бара транспарентност и брзи резултати.
Овие настани ја истакнуваат потребата за системски промени и поголема одговорност од страна на властите, за да се спречат вакви трагедии во иднина и да се обезбеди правда за жртвите и нивните семејства.
