Скандал во Тетово: На јавната дебата за преименување на улиците биле предложени имиња на балисти и терористи – Македонската историја под фашистички напад!

Јавната дебата во Тетово за преименување на улиците која се одржа вчера, е само последен доказ за неодговорноста и небрежното однесување на градоначалникот Билал Касами. Под неговото раководство, Тетово се соочува со срамни предлози кои директно го напаѓаат македонскиот идентитет и историја.

Некои од најконтроверзните предлози кои излегоа од дебатата, а кои се очигледно поддржани од градоначалникот Касами, вклучуваат именување на улици по спорни личности како Џемо Хаса, Мефаил Шеху – Зајази и други балистички фигури, кои се длабоко поврзани со профашистички и антидржавни ставови. Во исто време, се побарало бришење на улици со имињата на личности кои ја претставуваат вистинската борба за слобода и заедничка историја, како што се Браќа Миладиновци, Иво Рибар Лола и Мурат Бафтијари.

Од овој потег на Касами не може да се избегне впечатокот дека градоначалникот го занемарува и изигрува темелните АСНОМски вредности на Македонија, дозволувајќи своите квазиполитички интереси да го надвладеат историскиот и националниот интегритет на земјата. Со овие предлози, тој не само што го поткопува македонскиот идентитет, туку и ја нарушува стабилноста и почитта за борбата против фашизмот.

Градоначалникот Касами, како политичар на власт, треба да има свест за тежината на своите одлуки и како тие ќе влијаат на иднината на Тетово и Македонија. Наместо да го брани и чува достоинството на тетовци и сите Македонци и Албанци, тој дозволува преименувањето на улици да стане платформа за ревизија на историјата и за промовирање на опасни нацистички идеологии.

„Зар ова е општеството што го сакаме?“, прашаа многу од присутните на дебатата, а ова прашање сега е насочено директно кон градоначалникот Касами и неговата одговорност за оваа ситуација. Може ли тој да ја погледне во очи македонската јавност и да ја оправда својата дозвола за обидот да се избрише и ревидира историскиот контекст на Македонија?

На сите ни е јасно дека овој потег е не само неприфатлив, туку и опасен за стабилноста на македонското општество. Билал Касами мора да го преиспита своето раководство и да престане да дозволува не само поддршка за профашистичка ревизијата на историјата, туку и за дисторзијата на македонскиот национален идентитет.