Латас со венец од ловорики – Николоски во облаци

Во новата епизода од долгогодишната сапуница „Лижење на чевлите на ДПМНЕ: Латас издание“, нашиот стар познаник Драган Павловиќ Латас со перо натопено во восхит и еуфорија, ни го подари своето најново љубовно писмо – овојпат посветено на славниот, мудриот, и наскоро овековечениот со споменик, министер за транспорт и врски, Александар Николоски.

Латас, чие „половично охридско потекло“ сега го обврзува на патриотска одбрана на секое камче во Дебарца и Охрид, забележува нешто што сите останати очигледно сме пропуштиле: дека Николоски не само што ќе го доврши автопатот Охрид–Кичево (започнат уште пред два века од некој антички премиер), туку и дека буквално ќе го „оживее“ охридскиот аеродром. Да, добро прочитавте – оживее, како Лазарус од библијата. Веројатно ќе излезе Николоски со дефибрилатор на пистата и ќе каже: „Станувај брат, време е за лет кон иднината!“

И тука не завршува хиперболичната идила. Според Латас, ако продолжи вака, охриѓани ќе мораат… држете се… споменик да му подигнат на Ацо во Охрид! Не му е доволно на човекот улица, булевар, или кружен тек – споменик! Веројатно замислен како нешто помеѓу Александар Велики и терминал за багаж, поставен стратегиски помеѓу плажата Горица, новиот хотел граден од нему омилениот бивш љубовник преку жица, „Ало Началниче“ и киоскот со варена пченка.

Се разбира, Латас не би бил Латас ако не ги измеша „министерските функции“, „преродбата“, и епскиот развој на целата Македонија под знамето на Николоски, во еден софистициран коктел од пропаганда, патетика и политичка поезија. Недостасуваше само да напише дека Николоски сам ги поместува тунелите со рака и дека на секој метар бетон лично лепел налепница со „повторно горди“, дури во позадина тивко свири „Заветна“.

Во чест на ваквото дело, не би било чудо ако наскоро се појави предлог за „Александар Николоски – Денот на благодарноста“, со организирани маршеви, хорски настапи на „Заветна“ и колективно лижење на министерски чевли во формација.

Во меѓувреме, охриѓани нека внимаваат. Не од ветувања. Туку од споменици. Може некој навистина да се нафати и да го изгради споменикот на Ацо Николоски. И што ќе правиме тогаш?

Ќе треба Латас да фрли лопата и да сече лента на споменикот. Сигурно Ацо Николоски веќе го научил како се сече лента по неуспешното сечење на лентата, најверојатно поради тапите владини ножички.

Неговиот епско идиотски статус ви го претставуваме во целост: