ФК „Илинден“ и македонските организации од Австралија со донација од 87.100 долари за Кочани

• Фудбалскиот клуб „Илинден“ од Рокдајл, во соработка со македонските организации во Сиднеј, успешно собра 87.100 долари за поддршка на семејствата на загинатите и повредените во трагичниот пожар во Кочани.

Фудбалскиот клуб “Илинден” од Рокдајл соопшти дека со партнерите и со неколку македонски организации во Сиднеј, за семејствата на загинатите и повредените во националната трагедија во Кочани собраа 87.100 долари.

Сите средства ќе ги префрлиме на банкарските сметки на семејствата на загинатите и повредените во трагичниот пожар во Кочани, во Македонија, – велат од Фудбалскиот клуб “Илинден” од Рокдајл.

Кон донаторската акција значителен придонес дадоа и Австралиско-Македонската асоцијација “Методија Андонов Ченто” во Сиднеј, Македонското културно-уметничко друштво “Илинден” во Сиднеј, Македонското друштво “Мариово” во Сиднеј и Фудбалскиот клуб “Лавови” од Бенкстаун.

Фудбалскиот клуб “Илинден” во Рокдајл упати искрено сочувство до семејствата на загинатите и молитви за најбрзо заздравување на повредените во националната трагедија во Кочани на 16 март годинава.

Со оваа донација, македонската заедница во Австралија уште еднаш покажа солидарност и поддршка кон своите сонародници во тешки моменти.