Промоција на Монографијата „80 години Народен театар Битола“

Во сабота (29 март) од 12 часот, во Битолскиот театар ќе се одржи промоција на монографијата „80 години Народен театар Битола“.

Монографијата ги сублимира целиот развој и успесите на битолскиот театарски ансамбл. На промоцијата ќе говори авторот Иван Додовски, а промотори ќе бидат Мишел Павловски и Даниела Андоновска-Трајковска.

„Историјата на Народниот театар во Битола на 310 страници. Како што сме гигант меѓу театарите, први во државата успеавме да изработиме монографија која е негатив, црно-бела. За првпат се печати ваква монографија во државата и вложен е голем труд. Ова многу ни значи како колектив“, рече директорот Васко Мавровски.

Рецензенти се проф. д-р Сузана Киранџиска и проф.д-р Мишел Павловски. Уредници на Монографијата се Билјана Крајчевска и Оливера Павловиќ, лекторирана е од Жаклина Атанасова, а монографијата ја припреми стручниот тим: Стеванка Вељановска, Билјана Вржовска, Сашо Илковски, Марија Козарова, Билјана Крајчевска, Александар Митровски, Филип Ошавков, Оливера Павловиќ, Владимир Переловски. Дизајнот е на Сергеј Светозарев. Фотографиите од архивот на НТБ.