Апасиев: Во денови на жалост Мицкоски склучил договор за мерење на рејтинг кој народот го чини 400.000 евра

Мерењето на партискиот рејтинг на ВМРО-ДПМНЕ е важно и во денови на жалост. Во јавноста протече информација дека минатата недела, додека беа денови на жалост, Владата предводена од Христијан Мицкоси склучила тендер, со приватна маркетинг агенција, во вредност од 400.000 евра, за мерење на рејтинзи и правење анкети.

Претседателот на Левица кој ја соопшти оваа информација на социјалните мрежи, ваквото поведение го оцени како „дијагноза“. На својот фејсбук профил тој напиша:

„Во време на Деновите на жалост, Владата склучила тендер од 400.000 ЕУР со приватна маркетинг агенција за мерење рејтинзи и правење анкети!? Шо дијагноза е ова, стручно?“