Исмаил: Стандардот е првата жртва на капитализмот!

„Стандардот е првата жртва на капитализмот!“ – Напиша пратеникот и Потпретседател на Левица – Реџеп Исмаил, по објавата дека дискотеката во која се случи страшниот пожар, не исполнувала стандарди потребни за објект од таква намена.

Според Исмаил, отстранувањето на државата од мониторирањето и управувањето со процесите е една од основните причини, за се почесто случувањето на вакви несреќи.

„Приватна фирма ставила печат дека дискотеката од Кочани ги исполнува стандардите за работа… Приватна агенција го обезбедувала објектот… Приватна фирма го изработува ДУП от… Приватна фирми го доминираат културно забавниот живот на граѓанството… Приватњаци го грабат државното земјиште… Државата е приватна – претворена во алатка за приватни лица.“

Пратеникот смета, дека како ќе одминува време и државата ќе се одалечува од социјалистичкото уредување и стандарди, така опасноста од вакви пропусти кои ги стимулира капиталистичкото уредување, ќе бидат се почести.