Промоција на Монографијата- Современа македонска фотографија 1945-2020 во КИЦ
На 30 ти јануари(четврток) со почеток од 20 часот во Културно информативниот центар во Скопје ќе се одржи промоција на Монографијата- Современа македонска фотографија – Македонска фотографија 1945-2020.
Монографијата е капитално дело и е единствена од ваков вид со вовед во историскиот и креативен развој на фотографската уметност во Македонија.
Поддржана како Проект од национален интерес од Министерство за култура и спонзорирана од Халк Банка – Скопје представува пресек на речиси 80 годишно творештво на автори членови на Фото сојуз на Македонија.
На промоцијата ќе има и изложба на автентични дела од Архивата на Фото сојуз на Македонија кои премиерно се претставуваат на пошироката јавност.
Автори од калибарот на Цветко Иванов, Благоја Дрнков, Кирил Билбиловски, Лазо Величковски, Ѓорѓи Гога Попов, Живко Јаневски, Благоја Бањански, Александар Цветиновски, Ацо Кондев, Владо и Лазо Плавевски, Билјана Јуруковска, Владимир Тодоров па се до Боро Рудиќ, Цветан Гавровски, Душан Доцевски, Валентин Малинов, Раде Луковиќ, Драги Неделчевски и секако помлада генерација автори…
На промоцијата ќе може да се купи Монографијата на штандот на Чудна шума Арт.
