Левица достави до Собранието предлог-закон за ограничување на патните трошоци на пратениците

Пратеникот од Левица, Амар Мециновиќ поднесе законски измени за ограничување на патните трошоци на пратениците. Според него, неодговорното однесување на функционерите и нивните привилегии мора да запрат. Левица бара кратење на привилегиите, почнувајќи со сумите за патните трошоци.

Мециновиќ преку прес-конференција истакна декa како парламентарна партија предлагаат патните трошоци да се пресметуваат спрема пазарната цена – на 6,5 литри на секои изминати 100 километри.

-Со овој предлог се нуди далеку порационално и поприфатливо решение. За нас одговара и нивното целосно укинување, но, за да биде прифатливо за мнозинството, го предлагаме во оваа форма. Само Левица се бори за интересите на народот, кажа пратеникот.

Мециновиќ информира и дека народните избраници во моментов земаат пари за амортизација, патарини, односно како што вели, „како да возат на керонин, а не на бензин“.