ЕУ се подготвува за трговска војна со САД, доколку на изборите победи Трамп

ЕУ се подготвува за потенцијално враќање на власт на поранешниот американски претседател Доналд Трамп, објави во саботата Вашингтон пост, откако разговараше со повеќе од десетина европски политичари, дипломати и креатори на политики.

Интервјуата покажаа дека блокот се обидува да ја намали својата зависност и потпирање од САД, без разлика кој ќе биде избран, при што креаторите на политиката изразија поголема доверба, имајќи предвид дека веќе доживеале еден мандат на Трамп, забележува весникот. Сепак, формулирани се различни планови за вонредни ситуации за да се справи со ситуацијата доколку републиканскиот кандидат ја победи својата демократска противкандидатка Камала Харис.

„Едно е јасно: не седиме овде како срна што зјапа на фаровите. Без оглед на тоа кој ќе победи на изборите во САД, фокусот на вниманието на САД во иднина се повеќе ќе биде на Индо-Пацификот. Европејците ќе мора да направат уште повеќе за нивната безбедност“, изјави за весникот портпаролот на германското Министерство за одбрана, Михаел Стемпфле.

ЕУ истражуваше опции за својата безбедност, бидејќи за време на неговиот прв мандат на функцијата тој постојано ги притискаше тамошните сојузници на НАТО да придонесат повеќе за колективната безбедност, па дури и се закани дека целосно ќе излезе од НАТО, оставајќи ги Европејците самиј. Додека таквиот став првенствено се поврзуваше само со поранешниот претседател, се очекува да продолжи и со другите личности во Белата куќа, без оглед на тоа кој ќе победи на изборите.

„Факт е дека Џо Бајден е веројатно последниот претседател кој е навистина трансатлантски во традиционална смисла – во однос на неговиот карактер и кариера“, рече заменик-претседателот на германскиот парламентарен комитет за надворешни работи Томас Ерндл. „Затоа Европа мора да преземе поголема одговорност, особено кога станува збор за безбедноста“.

Унијата, исто така, се подготвуваше за потенцијална нова трговска војна со Трамп. Минатиот пат кога беше на функцијата, тој воведе остри царини за челик и алуминиум на Европската унија, а за време на неговата изборна кампања постојано ветува дека ќе оди уште подалеку.

Официјални лица на ЕУ веќе подготвија списоци со одмазднички тарифи за да се спротивстават на какви било потенцијални потези на Вашингтон и смислија план да му понудат на Трамп наместо против ЕУ да оди против наводните нефер кинески трговски практики, изјавија за весникот неименувани претставници на ЕУ.

„Мислам дека има чувство дека треба да бидеме подобро подготвени и да не мислиме дека нема да се случи само затоа што се надеваме дека трговска војна нема да се случи“, рече неименуван дипломат на ЕУ.