Исмаил: Економијата како изговор и мелем за „новата реалност“

• Став на Реџеп Исмаил – Хактан, Потпретседател на Левица и народен пратеник цо Собранието на Република Македонија

Новите власти, на чело со премиерот осмислија цел политички јазик со кој се обидуваат искажаните вистина во предизборието, сега, пост изборно, да ни ги претстават како излишни – наратив кој понатаму сигурно ќе премине во обид сегашната реалност и национална бездна да ни ја сервира како достојна за почит!

Преспанскиот договор бил „реалност“! Е зошто се избрание де вие, зошто добивте мандат? Да ја перпетуирате таа реалност или на ја промените?!

Па демек важна била економијата а не името на државата, и они ќе се занимавале со економија. Ај да расчистиме нешто, името на државата, односно Преспанскиот договор ите како е поврзан со нашата економија (читај сиромаштија).

Што ќе се случи доколку го анулираме Преспанскиот договор? Ќе излеземе од НАТО, ќе престане ММФ да не трупа со долгови и да ни наметнува нео-либерални реформи и приватизација, ќе ги укинеме санкциите према Руската Федерација и ќе може да соработуваме со Народна Република Кина.

Нема да се задржам многу на ММФ, Санкциите према Русија и соработката со Кина, само ќе споменам дека развојните банки на БРИКС даваат многу по-поволни кредити и не бараат политички услови кои длабоко го нарушуваат суверенитетот на Републиката. Од Санкциите према РФ имаат штета само нашите земјноделци, винариите и културните работници и институции, како и наши студенти кои студираат во Русија, и секако целокупната наша економија поради одбивање на рускиот гас кој е 10 пати поефтин од оној кој го набавуваме преку нашиот „пријател“ јужниот сосед. А за можностите но Кина, од трговија до наука и инфраструктура и не треба многу да се зборува, тоа веќе секому му е јасно.

Да видиме што економија „добиваме од НАТО“:

– Македонија е една од 18-те земји членки кои од годинава (2024) го исполнуваат барањето на НАТО за одвојување на 2% од БДП за одбрана. Според МО, од 2024 година се издвојуваат 2,05 проценти од македонскиот бруто-домашен производ (БДП) или 327 милиони евра за одбранбениот буџет на земјата.

– Повеќе од една третина од буџетот (34,2%) за одбрана е наменет за модернизација и опремување на Армијата, што е всушност е само еуфемизам за субвенционирање на америчкиот воено-индустриски комплекс со народни пари. Тоа значи дека во 2023 година, за оружје и друга воена опрема, биле потрошени 111,834,000 евра.

– Во март 2024 година, на МО од САД им била одобрена нарачка во вредност од $111 million, за воени возила и друга опрема. До крајот на годината оваа сума сигурно ќе се зголеми.

– За споредба, македонскиот буџет за одбрана за 2023 година изнесуваше 274,6 милиони евра (1,85% од БДП), кој пак беше за 24,45 проценти поголем од буџетот за одбрана во 2022 година кога изнесувал 1,57 % од БДП.

ЗАКЛУЧОК: Буџетот за одбрана секоја наредна година се зголемува како трошок за членството во НАТО!

Додека пак со последниве случувања во Украина членството во НАТО има и сериозни безбедносни импликации по нашиот народ. Имено, одлуките на нашето раководство не прават активен учесник и мета во иден конфликт, и директно ги загрозуваат нашите војници. Впрочем, оружјето кое со свои пари го купуваме од Западот потоа го подаруваме и во корист воени походи со други народи, а во иднина можеби ќе не приморат и самите да се бориме за нив во војните кои ги водат ѓирум светот и тоа со оружјето кое сме го купиле од нив.