Левица: ДПМНЕ ја устоличува противуставната двојазичност
- Реакција на Левица – Сектор Политички систем
Деновиве во јавноста произлезе фрапантна информација дека Инспекторатот за употреба за јазиците, согласно последното „појаснување“ од министерот за правда, Кренар Лога, може да постапува и против банките во Македонија за (не)користење на албанскиот јазик.
Од инспекторатот велат дека банките и другите правни лица кои вршат јавни надлежности, покрај македонскиот јазик и неговото кирилско писмо, мора да го користат и јазикот и писмото што го зборуваат најмалку 20 отсто од граѓаните на Македонија.
Ова претставува последниот акт на необалистичките структури во Македонија, но овојпат со целосна поддршка од страна на „патриотите“ од ДПМНЕ за целосно разнебитување на македонската држава и водење кон територијална и јазична федерализација на истата со крајна цел – реинкарнација на фашистичката творба: Голема Албанија.
Во духот на крунисувањето на необалистот, поранешниот претседател на политичката партија Алтернатива, Африм ГАШИ, за претседател на собранието на Република Македонија, се поставува едно многу легитимно прашање: Дали ДПМНЕ ја продолжува големоалбанската агенда на новите коалициони партнери?
Ја потсетуваме јавноста дека Политичката партија Левица во својата програма се залага за: поништување на илегалната двојазичност на целата територија на Републиката (преку т.н. Закон за употреба на јазиците), како и укинување на непотребните „пара“ и паралелни институции кои немаат никаково оправдување за нивното постоење меѓу кои и – Агенцијата за употреба на јазиците.
